Chand ..Ae raat k sehra mein bhatakte hue Chand
Jaa kahin aur chala ja, k ye basti tere kaabil he nahi
Ye vo basti hai, jahan raat k sannate mein izzat-o-nafz ko neelam kiya jata hai
Is jagah bikte hain insaan bhi, sikko ke aivaz
Is jagah pyaar ko badnaam kiya jata hai
Is jagah zulm-e-halaqat k siva kuch bhi nahi
Is jagah karb-e-aziyat k siva kuch bhi nahi
Is jagah muflis-o-nadar bilagte bacche, jin k kaano mein ladakpan se javan hone tak
kaarkhaano mein bhaari machino ki sada gunjti rehti hai, mamta bhari lori ki tarah
Chand ..Ae raat k sehra mein bhatakte hue Chand
Jaa kahin aur chala ja tu meri basti se
- Malegaon Ka Superman documentary